من ذي الساعة راك كي واحد منا * يا مزين ذي الدار راهـا عمرت بيك
إذا كانت عـــــــاجبتك جملتنا رانا * في مقام أهلك ومــــــــاليك
ما يعقبش نهار راك توالفنـــــا * وما تتوحش ما يضيق الحــــــال عليك
سعدك يا من جيت ماشي قاصدنـا* تلقى الناس قلوبها مفتوحة ليك
وإلي تغدى ليه عندو تتهنـــــــــا * وما تسمع غير قــــــولت أهلا بيك
بيت كبيرة يا إلي ما تعرفنـا *و سقسي عنا وشوف وإسمع واش يجيك
رانا كرما و الضيافة سيمتنــــا * ما تغلى حاجة وما تتعز عليــــــــــك
و الرجلة و النيف من طبيعتنـــا * و النية والخير واد وفــــــــــاض عليك
و نزيدك طبع الحياء من عداتنـا * هذي بعض أوصافنـــــــا قلت نوريك
وأرجع للي فات وأعرف ماضينـــا * ما الحاضر راه ما يخفـــاش عليك
يـــــا حسراه على عبيدات الجنة * صفات أبياتنا راهـــــــــا ترضيك
أرحمهـــم ربي ورضيهم عنا * بجاه الرســـــــــــــــــول محمد نابيك
ومن ذي الوقت إلي تبدل سلكنــا * ضاقت بينا يالله والهربــــــة ليك
نهدي هذا القول للي سامعنــــــا * ونقولو أدمDZ راه يســــال عليك
طالب منك ما تخلي جلستنـــــــا * وإسمع ليا يا الخو شـاهي نوصيك
